முன்னிரவின் பின்பகுதியில்
வந்திருந்தது உன் அழைப்பு
அழைப்பின் சொற்கள் இயல்பாகத்தானிருந்தது
ஒரு நொடியும் உறக்கமில்லாத
முந்தைய இரவும் ஏறத்தாழ
பயணத்தில் கழிந்த பகலும்
மகளிர் கல்லூரி உணவு விடுதியின்
சாண்ட்விச்சும், பஞ்சாபி தாபாவின்
சுக்கா ரொட்டியும், சிக்கன் கிரேவியும்
கருந்துளையின் மையமாய்
உறக்கம் என்னை ஈர்த்துக்கொண்டது
சொல்வதற்கு ஒன்றுமில்லை
" இன்னும் சில வாரங்களில்"
என்பதாகத்தான்
வாழ்க்கை நதியில்
நகர்ந்து கொண்டிருக்கிறது.
